LAOAG CITY – Napaigetan ti seguridad ti Laoag International Airport (LIA) kalpasan ti panagbettak ti maysa a simbaan idiay Jolo, Sulu.
Daytoy ti inbatad ti airport manager Mr. Ronald Estavillo.
Segun kenni Estavillo, kalpasan ti panagpabettak idiay Sulu ket adda ti nagbalin a pammilin ti Civil Aviation Authority of the Philippines a maikkan ti umno a seguridad dagiti amin nga eropuerto.
Inbatad na a naipaigetan pay ti panag-check up da kadagiti sumrek ken rumwar iti nasao nga eropueto.
Kunana nga umabot ti 30 a security personnel ti sumangpet ditoy probinsya ken maideploy da kadagiti amin a pasilidades iti eropuerto.
