LAOAG CITY – Opisyalen a nadutukan ni Senador Imee Marcos kas Deputy Minority Leader ti Senado kalpasan nga awan ti nangkontra ti mosyon nga inpila ni Senate Minority Leader Alan Peter Cayetano iti plenary session.
Kalpasan ti pannakapili ni Senador Marcos kas Deputy Minority Leader, inlawlawag ni Cayetano a saan a maibilang kas anti-Marcos ti minority bloc.
Segun kenkuana, pammaneknek daytoy ti pannakaelektar ken ni Imee Marcos, kabsat ni Presidente Ferdinand Marcos Jr., kas deputy minority leader.
Kagiddan iti daytoy, inaprubaran met ti Senado ti listaan dagiti committee chairmanship a naipaay kadagiti miyembro ti 11-man minority bloc, karaman ditoy dagiti sumaganad:
- Cooperatives – Sen. Imee Marcos
- Culture and the Arts – Sen. Loren Legarda
- Public Information and Mass Media – Sen. Robinhood Padilla
- Sustainable Development Goals, Innovation and Futures Thinking – Sen. Pia Cayetano
- Tourism – Sen. Rodante Marcoleta
- Civil Service, Government Reorganization and Professional Regulation – Sen. Loren Legarda
- Cultural Communities and Muslim Affairs – Sen. Robinhood Padilla
- Government Corporations and Public Enterprises – Sen. Camille Villar
- Sports – Sen. Christopher “Bong” Go
- Youth – Sen. Christopher “Bong” Go
Kabayatanna, inrakurak ni Senate Majority Leader Juan Miguel Zubiri dagiti baro a committee assignments no sadinno a nadutukan ni Senador Vicente Sotto III kas chairperson ti Committee on Public Works, idinto a ni Senador Jinggoy Estrada ti mangidaulo iti Committee on Electoral Reforms and People’s Participation.
