LAOAG CITY – Mangisayangkat ti taripnong ti Senado mainaig iti addang ti International Criminal Court (ICC) Office of the Prosecutor iti nairuar a nagan da Senador Bong Go ken Senador Ronald Dela Rosa kas co-perpetrators wenno kakunsabo iti napasamak a panangpapatay gapu iti war on drugs a kampania ni dati a Presidente Rodrigo Duterte.
Inbatad ni Senador Bam Aquino, mangiwayat pay laeng nga umuna ti panagsasarita dagiti senador sakbay nga urayen ti pormal nga addang manipud iti International Criminal Court.
Kunana nga iyurayda pay laeng ti pormal a panangideklarar ti International Criminal Court inton Pebrero 23, ti aldaw ti confirmation of charges.
Inpetteng ti Senador a resrespetarenna ti aniaman a legal a proseso nga iwaywayat ti International Criminal Court.
