LAOAG CITY – Naiyuswat ti maikadua nga aldaw ti rally a nagtataripnongan dagiti miembro ti religious group nga Iglesia ni Cristo (INC) iti Epifanio delos Santos Avenue (Edsa)- White Plains Avenue iti Quezon City ita nga aldaw, Hulio 1.
Basar iti Quezon City Police District (QCPD) iti oras ti alas-5 itay bigat ket maipagarup 4,000 nga indibidual a miembro ti Iglesia ni Cristo ti nagtataripnong iti nadakamat a lugar.
Mainaig iti daytoy, naserraan ti paset ti northbound lanes ti Edsa no sadinno ket naokuparan daytoy dagiti naka-park a lug-lugan dagiti nakipagpaset ken dagiti law enforcement personnel.
Maipalagip a ti nadakamat a protesta ket addang para iti panagsuporta dagiti miembro ti religiuos group nga Iglesia ni Cristo ken ni Sen. Rodante Marcoleta a manamnama a sumango ti kaso a plunder case mainaig iti P75-million a donasion bayat iti panagtarayna iti Senado idi tawen 2025.
