LAOAG CITY – Inpetteng ni Senate President Pro Tempore Panfilo “Ping” Lacson a ti laeng ebidensya ti agbalin a pagibasaran ti desisyon na no maituloy iti Senado ti impeachment trial kontra ken ni Vice President Sara Duterte.
Segun ken ni Lacson, suruten da laeng ti naipalaon iti rules of impeachment, dagiti rumuar nga ebidensya ken awanen ti kitaen da a sabali a rason a pagibasaran t agbalin a botos na.
Kuna na nga agbalin a patas daytoy isut gapuna nga agtultuloy ti panangadal na kadagiti proseso ti panangusig ti korte.
Mainaig iti daytoy, pinalagipan ni Lacson dagiti pada na a a senador a pagpannurayen ti napintas a kababalin kas Senator-Judges, no maiyuli iti kangatoan a pagpandaya linteg iti kongreso ti Articles of Impeachmenkontra iti bise Presidente.
Inpaganetget na a kasapulan nga awan ti kanunungan dagiti senador ken siguradwen da kadagiti garaw ken panagsarsarita da nga awan ti kankanunungan.
Innayon na a saan a napintas a kitaen nga arigna miembro da ti prosecutor wenno defense panel.
