LAOAG CITY – Inbatad ni Senator-elect Imee Marcos nga angaw na laeng ti naibaga na nga agpaawag ken makisala kadagiti igorot tapno mabendisyonan ti agbalin nga opisina na iti senado.
Naamoan a ti agbalin nga opisina ni Marcos ket ti opisina ni Outgoing senador Antonio Trillanes IV.
Nupay kasta, nakapungtot ti grupo dagiti Igorot iti nagbalin a rakurak ni Marcos nga “agpaawagak kadagiti Igorot mi”.
Inpetteng ti grupo a saan a kukua ida ni Marcos ken inpetteng da pay a ti pannakisala iti maysa a Marcos ket sala a nakababain.
Inlawlawag met ni Marcos nga awan ti kayat na a sawen ti inrakurak na ken agang-angaw laeng daytoy.
