LAOAG CITY – Nagtitipon dagiti Sangguniang Kabataan leaders ti Region 1 iti babaen ti SK Regional Task Force a naiwayat ditoy City Conference Room ti Laoag City Hall.
Inpakaamo ni Michael Christophe Agustin, ti Sangguniang Kabataan (SK) Federated President iti siudad nga daytoy ket inorganisar ti National Youth Commission ken sinuportaran ti City Government iti babaen ti Sangguniang Kabataan (SK) Laoag ken City Local Youth Development Council.
Kunana a ditoy a napagsasaritaan dagiti programa ken nagduduma nga inisiatibo para ti pagsay-atan dagiti agtutubo iti siudad.
Innayonna nga agtul-tuloy iti pannakaramid dagiti program ken aktibidad para kadagiti agtutubo.
Kabayatanna, kunana nga iti babaen dagitoy ket maamoan dagiti agtutubo iti akemda ti komunidad.
