LAOAG CITY – Nangideklarar ti state of emergency ti Spain gapu iti napasamak a nalawa a panagpukaw ti suplay ti kuriente.
Inbatad ni Spanish Prime Minister Pedro Sanchez a saanda pay laeng ammo ti namunganayan ti nasao a panagpukaw ti suplay ti kuriente.
Gapu iti nasao nga insidente ket nagsardeng ti operasion dagiti eropuerto ken dagiti train system.
Awan met ti nakita nga indikasion ti cyber attacks ti European Union gapu iti insidente.
Naammoan a kalpasan ti innem nga oras ket apagapaman a naisublin ti Spanish power operator a Red Electrica ti suplay ti kuriente.
Mainaig iti daytoy, sumagmamano a residente ti napan gimmatang ti gasolina tapno usaren dagiti generators.
Inpasigurado ti Spanish Government a pagsungbatenda dagiti adda iti likudan ti panagpukaw ti suplay ti kuriente.
