LAOAG CITY – Manarimaan ti pannakaiplastar ti subsistence ken laundry allowance dagiti empleado ti Laoag City General Hospital.
Daytoy ti inpakaammo ni Dr. Marsha Lou Wapan, mangidadaulo ti Laoag City General Hospital.
Segun ken ni Dr. Wapan, ti pannakaiplastar ti sueldo dagiti empleado ket tapno mairaman ditoyen ti subsistence ken laundry allowance gapu ta idi tawen 2018 ket saan a naited daytoy.
Inbatadna a dumanon iti 1,600 ti pakabulan a subsistence ken laundry allowance a maawat ti tunggal empleado iti kada bulan.
Nupay kasta, inlawlawagna a daytoy ket maited laeng para kadagiti empleado nga addaan ti permanente a posision wenno ti plantilla position.
Kunana a manamnama a maited daytoy ita a bulan ti Pebrero isu a makumikomda iti panangikagumaan iti daytoy.
Innayonna a ti pannakaipaay ti 2024 subsistence ken laundry allowance kadagiti maseknan nga empleado ket gapu ta nagun-odda ti good financial wenno ti panagngato ti income generated ti Laoag City General Hospital iti napalabas a tawen.
Kabayatanna, ti Laoag City General Hospital ket maysa nga economic enterprise rason a ti sueldo dagiti empleado ket aggapu amin iti mapastrek ti nasao nga ospital.
