LAOAG CITY – Nangipaulog ti Sugar Regulatory Administration (SRA) ti baro a gakat para iti panagangkat ti 240,000 a metriko tonelada nga asukar tapno manayonan ti suplay ti pagilian.
Pinirmaan ni Department of Agriculture Secretary Francisco Tiu-Laurel ti Sugar Order No. 5 a mangikeddeng sugar import program para iti crop year 2023-2024.
Karaman ditoy ti panangipalubos iti panagangkat iti 176,500MT a refined sugar para kadagiti kualipikado nga importers a kualipikado iti sidong ti Sugar Order No. 2 ken 63,500MT para kadagiti importers a kualipikado iti sidong ti Sugar Order No. 3.
Dagus nga awaten ti Sugar Regulatory Administration ti regulation department iti Quezon City ken Bacolod ti aplikasion inton sumaruno a lawas Kabayatan a mairuar ti import allocations iti uneg iti lima nga aldaw kalpasan ti application deadline.
Namnamaen ti Sugar Regulatory Administration a mangrugi inton Setiembre 15 dagiti allocated volume ti imported sugar iti pagilian.
Immuna nga inbaga ti ahensia a ti panggep ti panagangkat ti asukar ket tapno masigurado nga umdas ti suplay ken agtalinaed a natalged ti presio ti asukar iti merkado.
