LAOAG CITY – Nangideklarar ti state of emergency ti sumagmamano nga estado ti Estados Unidos gapu iti pangta ti nakaro a panagtudo ti niebe.
Karaman ditoy da New Jersey Gov. Mikie Sherrill, New York, Gov. Kathy Hochul ken Philadelphia Mayor Cherelle Parker.
Mapatta-patta nga umabot iti 35 a milyon nga indibidual ti maapektaran ti nakaro nga snow storm manipud iti Philadelphia agingga iti Boston.
Mainaig iti daytoy, kinanselar ti New York ti klase ken ti 6,000 flights gapu iti snow storm.
Nagiwaras ni Washington, DC, Mayor Muriel Bowser ti Snow Team a pakairamanan ti 200 nga heavy ken light equipment a tumulong iti pannakaikkat kadagiti niebe iti kalsada.
Basar iti National Weather Service, mabalin nga umabot agingga iti maysa a kadapan ti niebe ti mapasaran iti Philadelphia ken New York City.
