LAOAG CITY – Kwinestionaran ti sumagmamano a miembro ti konseho ditoy siudad ti Laoag ti resolusion nga indasar ni Sangguniang Panlungsod Member a Resolution Granting Mayor James Bryan Alcid to Enter and Sign Deed with Department of Education (DepEd) Laoag Schools Division Superintendent Joan Corpuz.
Daytoy ket mainaig iti naipaay a 128 a pedaso ti handheld metal detector kadagiti pagadalan.
Kwinestionaran ni Vice Mayor Rey Carlos Fariñas ti rason no apay ita da laeng nga agidasar ti resolusion idinto a naipaay dagitoy a metal detectors idi Agosto 20 ita a tawen.
Segun met ken ni Legal Counsel ti City Government of Laoag a ni Atty. Joshua Agcaoili a kasapulan ti nasao a resolusion gapu ta iti agdama, arigna ket dagiti nasao a detectors ket addaan pay lang iti panagtagikua ti City Government of Laoag isut gapu na a tapno maiyakar ti panagtagikua ket kasapulan nga idasar ti resolusion.
Gapu iti daytoy, balligi a naipsa ti maikadua ken maudi a panakaibasana ti resolusion.
Addaan ti 1,950 a metal detector ti bayad iti tunggal maysa a ti pondo ket manipud ti Office of the Mayor Laoag City Community Outreach Program.
Naipaay ti 40 a metal detectors kadagiti pampubliko a pagadalan ken 24 met kadagiti pribado a pagadalan.
