LAOAG CITY – Nasugatan ti sumagmamano a suldado iti Estados Unidos gapu ti rocket attack a napasamak iti airbase da idiay Al-Asad Airbase iti Iraq.
Kinumpirmaran daytoy ti maysa a military official ti Estados Unidos no sadinno a ti rocket attack ket naiyuswat iti Estados Unidos ken dagiti kaalyado na.
Napasamak ti rocket attack kabayatan ti kangitingitan ti tensiyon a mapaspasamak idiay Middle East.
Sumagmamano nga aldaw sakbay iti daytoy ket binilin ni United States Defense Secretary Lloyd Austin nga agnayun da iti military assets iti rehiyon para iti carrier strike group, fighter squadron ken kanayunan a warship iti Middle East.
Kabyatanna, immunan a nagpalagip ti Estados Unidos nga adda nakarkaro a tensiyon no itultuloy ti Iran ti pangta da nga agibales iti pannakatay ti maysa kadagiti commander da sumagmamano nga aldaw kalpasan a napapatay ti lider ti Hezbollah.
