LAOAG CITY – Ginutigot ni Philippine Ambassador to Washington a ni Jose Manuel Romualdez dagiti Pilipino ng adda ti questionable nga status-na idiay United States ti boluntario a panagtalawda iti lugar gapu iti immiget a polisia ti immigration iti Trump administration.
Daytoy ket kalpasan a ti administrasion ti Presidente ti Estados Unidos a ni Donald Trump ket nangi-isyu ti panagpasardeng ti immigrant visa appointments kadagiti aplikante manipud iti nagduduma a paset ti lubong, bayat ti agtultuloy a pannakaipapigsa ti gobierno ti US ti panangkontrolna iti immigration issues.
Kinuna ni Romualdez a dagiti Pilipino nga addaan ti pending applications para iti immigrant status-na ket masapolda a mangbiruk ti immigration lawyer a makaited kadakuada ti legal advice. Ngem kadagiti addaan ti “questionable legal path-na” wenno questionable nga status-na tapno agtalinaedda iti US ket kinunana a “nasaysayaat” kadakuada a pumanawda laengen iti Estados Unidos tapno saanda a sumango iti pannusa iti masangoanan.
