LAOAG CITY – Naiget ti panagparehistro dagiti taga-Ditrict 1 ng Quezon City iti SM North – Interior Zone ita nga aldaw ti Sabado, Mayo 16 tapno makabutos para iti Barangay ken Sangguniang Kabataan Election.
Kaadoan kadagiti pimmila ket umuna a daras pay laeng nga agparehistro idinto a dagiti dadduma ket nagturong tapno agpaiyakar ti registration record.
Basar kadagiti nakapila, komportable isuda nangruna ket saan met a dupudop ken saan a nabara gapu ta air conditioned ti nasao a site.
Kabayatanna, magagaran ti sumagmamano nga agtutubo nga agbutos tapno maaddaanen ti timek ken karebbengan nga agpili ti dutokan iti puesto iti barangayda.
