LAOAG CITY – Nakipaset ti sumagmamano nga ubbing ditoy probinsia iti easter runway costume contest.
Segun ken ni Ms. Gab de Luna, Information Officer ti SM Laoag, daytoy nga aktibidad ket nakaitampokan dagiti agkakapintas a costumes dagiti ubbing ditoy probinsia kagiddan iti pannakaobserbar ti Eastern Sunday iti kallabes.
Inbatadna a napagbalin a playful runway iti event center ti dakkel a mall gapu iti nasao nga aktibidad.
Inlawlawagna a naimatangan ti kinapintas dagiti costumes dagiti ubbing manipud kadagiti bunnies ken dagiti life size eggs a mangparaniag iti personalidad dagitoy.
Iti baet daytoy, kuna ni de Luna a daytoy ket nagbalin a wagas tapno mapagmaymaysa ti komunidad kas kadagiti pamilia dagiti nakipaset a nangted ti naiget a suporta kadakuada.
Maipalagip a malaksid iti daytoy ket nangisayangkat pay ti City Government of Laoag ti egg hunting activity para kadagiti ubbing ditoy siudad a naawagan kas alisto it-look a dagiti nakipartisipar ket dagiti ubbing nga agtawen ti 3 agingga iti 12.
Inpakaammo ni Mrs. Mary Jane Leaño a a ti aktibidad ket naiwayat iti baybay ti Barangay Calayab, Barangay Caaoacan ken iti Aurora Park ditoy siudad ti Laoag.
Ti nagbalin a pannubok kadagiti ubbing ket ti kaadoan a masarakan nga itlog kadagiti venues ket isu ti mangabak.
Paset pay ti aktibidad ti pannakaiyam-ammo dagiti nasao a lugar a pagpasiaran ken turismo.
