LAOAG CITY – Naminsan manen nga inpasingked ni Philippine Olympic Committee president Abraham Tolentino a makaawat ti house and lot ti asinoman nga atleta a makaala ti medalya iti Paris Olympics.
Segun ken ni Tolentino a daytoy ket maysa a nayon a premio malaksid kadagiti cash incentives a nakailanad iti linteg.
Daytoy ti maika-100 a tawen sipod nakipaset ti Pilipinas iti Olympics.
Kunana a sipod idi nagtugaw iti puesto ket saan a mapukaw ti nasao a premio iti Southeast Asian Games ken iti Olympics.
Idi 2021 ket nagbalin a kaunaan a recipient ti house and lot ni Hidilyn Diaz kalpasan a nakagun-od ti medalya iti Tokyo Olympics iti sports a weightlifting.
Nailanad iti linetg a dagiti gold medalist ti Olympics ket makaawat ti P10-milyon idinto a silver medalist ket addaan ti P5-M ken bronze medalist ket P2-M.
Maiyuswat ti Paris Olympics manipod iti Hulio 26 agingga Agosto 11.
