LAOAG CITY – Agyamyaman iti Diyos ti maysa a Pilipino nga agnanaed idiay Las Vegas, Nevada nga awan ti nadamag na a Pilipino a karaman kadagiti nasugatan iti napasamak a pammaltog iti maysa konsiyerto idiay Mandalay Bay Casino.
Segun kenni Mrs. Josephine Luz Llanes, agnanaed idiay North Las Vegas, residente ti Laoag City, nairana a nakaday-off ti anak na nga agserserbi a card dealer ti nasao a casino idi napasamak ti pamamltog.
Kuna na a napatay dagiti pulis ti maysa kadagiti uppat a suspek a nangaramid ti nasao a krimen.
Inbatad ni Llanes nga agtultuloy ti pananganup dagiti otoridad dagiti tallo pay a maipagarup a suspek kangrunaan kadagiti hotel.
Innayon ni Llanes a basbassit dagiti tao iti nasao a lugar gapu ta saan nga aldaw ti Biernes ken Sabado no sadino nga isu ti aldaw a kaadu dagiti tattao.
