LAOAG CITY – Inrakurak ni Civil Defense Deputy Administrator for Administration Assistant Secretary Bernardo Rafaelito Alejandro IV nga adda ti pakabuklan a 132 a lugar ti naipadamag a nakapasar ti panaglayos gapu iti Bagyo Uwan.
Inbatadna nga adda ti 13 a lugar ti nakapasar ti storm surge wenno panagngato ti danum iti baybay.
Kunana nga adda ti 71 a kalsada ken tallo a rangtay ti saan pay a madalyasatan.
Inlawlawagna nga adda ti 1,085 ti naipadamag a nadadael a pagtaengan no sadinno a 89 ditoy ti naipadamag a nakaro a naperdi ken 996 met ditoy ti apagapaman a naperdi.
Naammoan nga adda ti 155 a lugar ti makapaspasar ti power interruption ken 13 a lugar ti makapaspasar ti water interruption.
