LAOAG CITY – Inbatad ti Department of Social Welfare and Development (DSWD) nga umaboten iti 553,068 indibidual wenno 137,081 a pamilia manipud iti barangay ti Regions IX, XI, XII, ken BARMM ti naapektaran ti magnitude 7.8 a gingined idiay Mindanao.
Basar iti sa DSWD-DROMIC Report No. 9, nga addaan ti 9,393 nga indibidual wenno 2,131 a pamilia ti agdama nga adda iti evacuation centers, kabayatan a 54,274 nga indibidual wenno 13,480 pamilia ti agdama nga agtaltalinaed kadagiti kabagian wenno gagayyemda.
Segun iti DSWD, immaboten iti P84.26 milyon ti naipaay a humanitarian assistance manipud iti gobierno ken nagduduma pay nga ahensia.
Iti agdama, agtultuloy ti damage assessment, relief distribution, ken pannakaipaay ti psychosocial at social protection services kadagiti pamilia a naapektaran kabayatan nga agtultuloy met ti mapaspasaran nga aftershock kadagiti sumagmamano a paset ti Mindanao.
