LAOAG CITY – Natiliwen ti lalaki a suspek iti pannakatay ti maysa a lalaki iti Bgy. Cabaruan iti ili ti Bacarra a pinutulan da pay ti mabagbagina.
Nabibig ti suspek a ni Rene Bungcayao, agtawen iti 61 residente iti Bgy. Corocor iti nasao nga ili.
Natiliw ni Bungcayao bayat ti buy bust operation ti PNP-Bacarra kalpasan a nakaawat da iti inpormasyon nga adda ti maysa a lalaki a mangilaklako iti granada.
Naglikudan met ni Bungcayao nga adda ilaklako na a granada imbes pinabasol na dagiti pulis nga inpabulsa da kenkuana bayat a pinusasan da.
Kabayatan na, naglikudan pay ni Bungcayao ti alegasyon a daytoy ti nangpapatay ken ni Prudencio Balicat iti Bgy. Bgy. Cabaruan iti nadakamat met la nga ili a napasamak itay kallabers.
Kuna na , awan ti ammo na a rason tapno aramiden na ti mangpapatay iti biktima.
Kuna met ti PNP-Bacarra nga itinton korte iti pangipaneknekan ni Bungcayao kadagiti kunaen na nga awan basol na.
Maipalagip a nabirukan ti bangkay ni Balicat a naruay dagiti bagkong na ken pinutulan da pay ti mabagbagi na kalpasan na inpaabayda iti ulo na.
