LAOAG CITY – Mannarimaan ti 36 nga oras a manhunt operation iti suspek ti pammaltog iti Barangay Manalpac iti ili ti Solsona, bayat a ti biktima ket madama a maob-obserbaran iti Mariano Marcos Memorial Hospital and Medical Center iti siudad ti Batac.
Daytoy ti inrakurak ni Police Captain Randy Damo, ti Hepe ti Philippine National Police iti ili ti Solsona.
Inbatad ni Pcpt. Damo a ti nausar iti pammaltog ket maysa a calibre 45 a saan rehistrado.
Kunana a namitlo a nagpaputok nti suspek ngem maysa laeng a bala ti timmama iti biktima a puon ti nakasugatan ti abagana.
Basar iti imbestisgasyon, ti suspek ket addaan ti immune-una a record no sadinno a dati a naibalod ken dati a natiliw isuna gapu ti maipagarop nga nakairamanan na a murder case.
Kabayatanna, inbatad ni Damo nakamonitor da kadagiti kalsada ken adda met maisaysayangkat a checkpoint
Mainiag iti daytoy ket disidido met a mangipila ti biktima ti kaso kontra iti kabsat na a nangpaltog kenkuana.
Maipalagip a ti namaunganayan ti riri ti agkabsat ket gapu iti maipagarop a panagimon ti biktima.
