LAOAG CITY – Insingasing ti Department of Energy (DOE) ti in-inut a pannakaikkat dagiti non-technical system loss charges manipud kadagiti singir ti koriente dagiti consumer.
Segun kenni DOE Undersecretary Riolita Inocencio, nagtitinnulong ti DOE ken ti National Electrification Administration (NEA) a nangaramid ti plano para iti phased removal dagiti non-technical losses, a pakairamanan ti panagtakaw ti koriente ken illegal connections.
Kabayatanna, ti technical system loss ket ti natural a pannakapukaw ti koriente bayat a lumasat daytoy kadagiti alambre ken transformer.
Target ti NEA a rugian ti phased removal inton Enero 2027, agraman ti planona a mangipaay iti pautang kadagiti electric cooperatives tapno matulonganda kadagiti gastos bayat a makissayan ti system loss charges.
Immanamong ni ERC Chairman Francis Saturnino Juan nga in-inut koma a maaramid daytoy tapno saan a masdaaw dagiti electric cooperatives ken distribution utilities.
