LAOAG CITY – Inrugin ti Transport group a Manibela ti tallo nga aldaw a transport strike kontra iti kurapsyon nga adda ti pakainagan na iti anomalya a flood control projects ti gobierno.
Nasapa itay bigat ket nagtitiponen da Manibela president Mar Valbuena ken dagiti mimebor na iti Commonwealth Avenue, Quezon City.
Segun kenni Valbuena, iti kada buwis a baybayadan da manipud pay laeng iti petrolyo, iti kada litro ti krudo nga ikarkarga da iti behikulo da ket addaan ti katukad a value added tax ken excise tax a P500 iti kada aldaw ken P15,000 iti kada bulan ken umabot iti P180,000 iti maysa a tawen ti kontirbusyon da iti gobierno.
Nupay kasta, sabali ti inaramid dagiti kontraktor ken dagiti opisyales ti gobierno a panag-casino da laeng ken amin dagiti inusar da ket kwarta dagiit tattao.
Malaksid iti panangirakurak da iti pannakadismaya da iti kurapsyon, maysa pay nga ilablaban ti grupo da ket ti panangpatalinaed ti gobierno ti five-year franchise kadagiti traditional jeepneys iti baet ti modernization program.
Malaksid met iti Manibela, ti pay transport group a Piston ket angiyuswat pay ti strike kontra met laeng iti kurapsyon intono bigat, Huwebes.
Kabayatanna, nakasagana ti Metropolitan Manila Development Authority (MMDA) iti tigil-pasada dagiti grupo a Piston ken Manibela ita a lawas.
Segun iti Metropolitan Manila Development Authority, nakikoordenar dan iti Department of Transportation (DOTr), Land Transportation Franchising and Regulatory Board (LTFRB), ken dagiti lokal a gobierno iti Metro Manila tapno adda latta ti maluganan dagiti pasaheros.
Maipalagip nga inbilin ni President Ferdinand “Bongbong” Marcos Jr. ti pannakaimbestigar iti anomalya a flood control projects.
Ummunan a nangiyuswat ti Senado, Kamara ken sumagamano nga ahensya ti gobierno ti bukod da nga imbestigasyon.
