LAOAG CITY – Inkeddeng ti Sadiganbayan ti pannakaiyuswat ti trial ti nabatbati pay a kaso a graft ni Senador Jinggoy Estrada mainaig iti maipagarop a pannakaiyakar ti nasurok a P200 million iti pork barrel funds, intono Marso 10 ken Abril 18 ita a tawen.
Daytoy ket kalpasan a saan a natuloy ti trial a naikeddeng koma a maiyuswat ita nga aldaw ti huwebes, Enero 22 kalpasan a nagmosyon ti dua a pada nga akusadao ni Estrada nga i-waive ti cross-examination sa kanila ng kadakuada ti abogado ti Senador.
Maiyataday iti linteg, maiyuswat ti cross-examination tapno maamoan ti kinapudno kadagiti palawag dagiti testigo iti babaen ti direct examination wenno panagsaludsud.
Pinaboran met ti anti-graft court ti mosyon dagiti akusado nga i-reschedule ti trial intono Marso ken Abril.
Maipalagip nga idi Oktubre 1, 2025 ket nagkedkedan ti Sandiganbayan ti mosyon ni Estrada tapno ibasura ti nabatbati pay a graft case na gapu iti kaawan ti merito na.
Idi Enero 2024, naabswelto ni Estrada iti kaso a plunder ngem nakunviktaran iti maysa a bilang ti direct bribery ken dua a bilang ti indirect bribery.
Nupay kasta, binaliktad ti korte ti nasao a desisyon idi Agosto 2024 gapu iti kaawan ti ebidensiya.
