LAOAG CITY – Manamnama a bumisita iti White House ni US President-elect Donald Trump inton Huebes.
Basar iti White House, sumagmamani kadagiti talantanen da Trump ken US President Joe Biden ket ti domestic ken foreign policy.
Inbatad ni US National Security Adviser Jake Sullivan a mabalin a gutiguten ni Biden ni Trump a saan a baybay-an pabayaan ti Ukraine kontra iti Russia.
Inpasingkedna a maaddaan ti nakappia ken kumpleto a pannakaiyar ti bileg iti agdama ken sumaruno a Presidente ti Estados Unidos.
Naammoan a dagiti dadduma pay a mapagsasaritaan ket ti mapaspasamak iti Europa, Asya ken Middle East.
Gagem ti White House nga agbalin a natibker ti Ukraine sakbay ti panagngudo ti termino ni Biden.
Gapu iti daytoy, posible nga ikabil aminen ni Biden ti nabatbati a $6 bilyon a military funding iti Ukraine.
