LAOAG CITY – Mamati ni Ukrainian President Volodymyr Zelensky a mabalin a magun-oden ita a tawen ti napaut a kinakappia.
Daytoy ti tinalantanda idi nagsaritada ken ni United States President Donald Trump iti telepono.
Iti nasao a panagsarita ket maysa nga aldaw kalpasan a tinawagan met ni Trump ni Russian President Vladimir Putin.
Babaen iti daytoy, indatag ti Estados Unidos ti posible a kondision tapno agpada nga agtungpal ti Ukraine ken Russia.
Malaksid iti nasao a napaut a ceasefire ket ti panagsardeng metten iti panangraut kadagiti energy facilities.
Maiapalagip nga addan ti panagsarita ti pannakabagi ti Estados Unidos ken ni Zelensky idiay Saudi Arabia iti napalabas a lawas.
Naammoan a maminsan manen nga agsarita iti telepono inton Lunes da Trump ken Putin kalpasan a saan nga immannugot ti Russia iti full ceasefire.
