LAOAG CITY – Kinumpirmaran ni United States President Donald Trump a nagsaruno a nakasaritana iti telepono da Russian President Vladimir Putin ken Ukrainian President Volodymyr Zelensky.
Inbatad ni Trump a napaot ken produktibo ti panagsaritada ken ni Putin.
Nagtulag dagitoy a rugianen ti negosasion tapno malpasen ti riribok.
Naammoan a sumagmamano a minuto ket insaruno ni Trump a tinawagan ni Zelensky no sadinno nga agpada dagiti lider a kalikagumdan nga agsardeng ti nabayagen a riribok.
Inlawlawag ni Trump a mangbukelda ti team para iti panangrugin ti negosasion.
Indauloan ni United States Secretary of State Marco Rubio ti negotation team nga isu ti bumisita idiay Ukraine ken Russia.
Maipalagip a maysa kadagiti inkari ni Trump idi kampaniana iti eleksion nga isardeng ti gubat iti nagbaetan ti Ukraine ken Russia.
