LAOAG CITY – Inrekomendar ni Presidential Adviser on Cordillera Affairs, Assistant Secretary Abtonio Tabora ti panagaramat iti tunneling
method iti panangipasdek kadagiti kalksada ti pagilian.
Ti rekomendasion ket gapu kadagiti mapaspasaran a kalamidad ditoy pagilian kas iti bagyo ken panaglayus no sadinno ket ado dagiti kalsada ket malaylayus, madaddadael ken matuptupakan kadagiti kayo.
Segun ken ni Tabora, panawenen tapno ikonsiderar ti gobierno ti panagaramat ti tunneling method iti panangipasdek kadagiti dalan, aglalo kadagiti kabanbantayan a rehiyon.
Mamati ti opisial a dakkel daytoy a tulong kadagiti lugar a prone iti rain-induced damage gapu iti kinakurang ti maintenance a kasapulan kadagiti tunnel.
Inpetengna a nabayagen nga ususaren dagiti nagduduma a pagilian ti tunneling method kas iti Japan ken South Korea no sadinno ket masapol a tuladen daytoy ti gobierno ti Pilipinas.
