LAOAG CITY – Agtultuloy ti Tulong Panghanapbuhay sa Ating Displaced/ Disadvantaged Workers wenno TUPAD a programa ti Department of Labor and Employment (DOLE).
Daytoy ti inpasigurado ni Mr. Justine Paul Marbella, ti Information Officer iti DOLE-Regional Office.
Inbatad ni Marbella a gagem ti nasao a programa a matulungan dagiti saan a regular ti pamastrekan na wenno bassit ti mapaspastrek na iti inaldaw.
Segun ken ni Marbella, naaprubaranen ti pondo para iti nasao a programa no sadinno a nanayunan pay isut gapuna nga ad-ado manen dagiti mabenepisyaran.
Maipalagip nga umabot iti 45,181 a displaced ken disadvantaged workers ti nabenepisiaran iti nasao a programa idi laeng disyembre 2021 iti intero a rehiyon 1.
