LAOAG CITY – Maysa nga one year old a baby idiay Ghana ti nakagun-od ti world record gapu ta kabaelannan ti agpinta iti kinaubingna.
Kinumpirmaran ti records keeping organization a Guinness World Records a ni Ace Liam ti baro a world record holder ti titulo a “Youngest Artist (Male)” gapu ta kabaelanna daytoy nga agaramid ti painting iti tawenna a one year old and 152 days old.
Segun iti ina ni Ace a ni Chantelle Eghan, innem a bulan pay laeng ti anakna idi makitana a mahilig daytoy ti art. Inyestoriana a tapno bigbigen ti Guinness ti panagbalin nga artist ti anakna ket kinasapulanna a makipaset iti art exhibit ken nasken a makailako daytoy ti painting.
Naiyuswat ti umuna nga exhibit ni Ace iti Museum of Science and Technology iti Accra idi Enero 18 agingga 20. Iti nasao nga exhibit, sumagmamano kadagiti bisita daytoy ket gimmatang ti painting ni Ace.
