LAOAG CITY – Ipabus-oy ti United Kingdom iti Ukraine no kasanoda nga usaren dagiti armas nga inpaayda tapno labanan ti Russia.
Iti panagbisita ti Ukraine ni United Kingdom Foreign Secretary Lord Cameron a personal daytoy a nakataripnong ni President Volodymyr Zelensky ken tinalantanda dagiti armas nga inted ti Britanya.
Nagtinnulagda a mangipaay ti United Kingdom iti kada taon ti $3.75 bilyon a balor dagiti armas.
Inbatad ni Cameron a ti addang ket gapu iti agtultuloy a panagserrek ti Russia kadagiti teritorio ti Ukraine isu a napateg a maikkanda ti armas.
Kinondenar met daytoy ti Russia no sadino kuna ni Kremlin spokesman Dmitry Peskov a ti addang ti United Kingdom ket mangdegdeg iti tension dagiti dua a pagilian.
Maipalagip a namindua a daras a nagpanawagan ni Zelensky kadagiti kaalyado a pagilian nga iyalisto ken nayunan dagiti armas nga ipaay gapu iti panangbalinen nga agresibo ti Russia iti panangrautda.
