LAOAG CITY – Inpakaammo ni Ms. Rochelle Gajes, mangidadaulo iti Provincial Social Welfare and Development Office a sipud idi Setiembre 30 insigida a rinugianda ti relief operations kadagiti nagduduma a lugar ditpy probinsia ti Ilocos Norte a naapektaran ti Bagyo Julian.
Segun kenkuana, basar iti datos da, umaboten ti 29,090 a pamilia ti naibunongan ti food packs ditoy probinsia a naapektaran iti bagyo.
Iti umuna a distrito, adda ti 8,578 a pamilia ti nairekord a naibunongan ti food packs, pakairamanan ti 6,788 manipud iti ili ti Piddig ken 4,354 manipud iti ili ti Vintar.
Kabayatanna, iti maikadua a distrito ti record dagiti naipaayan ti food packs ket adda 2,663 a pamilia ti nairekord manipud San Nicolas, 2,356 manipud Dingras, ken 1,106 manipud iti siudad ti Batac.
Mainaig iti daytoy, kinuna ni Gajes a nasurok a 4,000 food packs ti naiwaras ti gobierno probinsial, idinto a nasurok a 1,000 food packs ti naiwaras dagiti lokal a gobierno (LGUs).
Iti agdama, agtultuloy pay laeng ti panagiwarasda iti food packs kadagiti apektado a pamilia iti intero a probinsia.
