LAOAG CITY – Addan ti 170 nga indibidual wenno 60 a pamilya ti naibakwit manipod iti ili ti Pagudpud, San Nicolas ken Bacarra gapu iti iduduprak ti bagyo Nando.
Daytoy ti inpakaammo ni ni Mr. Marcel Tabije, ti mangidadaulo iti Provincial Disaster Risk Reduction and Management Office iti kapitolyo probinsyal.
Inbatad ni Tabije a dagiti residente a naibakwit ket agnanaed kadagiti coastal areas kadagiti nadakamat nga ili.
Binalakadan met ni Tabije dagiti mangngalap a saan dan a gandaten ti mapan tumappog ken agkalap iti baybay tapno saan a mairisgo ti biagda.
Inpasigurado ni Tabije a silulukat amin a numero a mabalin a pagtawagan iti Provincial Disaster Risk Reduction and Management Office tapno al-alisto a maidanun dagiti pakaseknan kangrunaan na no adda dagiti agkiddaw ti tulong kabayatan ti iduduprak ti bagyo ditoy probinsya
