LAOAG CITY – Umaboten iti 2,387 ti bilang ti nagparehistro iti Bangsamoro Autonomous Region in Muslim Mindanao (BARMM) iti umuna a dua nga aldaw ti registration para iti Barangay ken Sangguniang Kabataan Elections.
Umuna kadagiti kaadoan nga agpaparehistro ti Maguindanao Del Norte nga umabot iti 789 kagiddan ti Special Geographic Area nga addaan ti 421 a pakabuklan a bilang.
Malaksid pay daytoy ti bilang kadagiti nagparehistro para iti Barangay ken Sangguniang Kabataan Elections iti 17 a rehion ken iti Main Office ti Commission on Elections iti Intramuros.
Iti datos ti komision nga inpakita ni Commission on Elections Education and Information Department Director Atty. Frances Arabe, umaboten iti 1,877,784 ti amin a nagparehistro, kaadoan ditoy ket iti Region 4-A a sumuroken 350 a ribu ti nagparehistro.
