LAOAG CITY – Umaboten ti nasurok a 10 ribo a pagtaengan ditoy ciudad ti Laoag ti nabunungan ti relief goods partikular dagiti indigents.
Segun kenni Mayor Michael Marcos-Keon, manamnama a mabunungan amin ti nasurok a 13 ribo nga indigents ditoy ciudad ita a lawas.
Inbatad na nga aliston ti pannakaibunong dagiti relief goods gapu ta addan ti umdas a suplay.
Inpakaammo na nga agtultuloyen ti panagsangpet dagiti donasyon partikular ti bagas.
Innayon na a simmangpet payen dagiti bagas nga inorder da manipod iti National Food Authority (NFA).
Kabayatanna, inbatad ti mayor a kalpasan a mabunungan da amin nga indigents ditoy ciudad ti Laoag ket mabalin nga maisaruno a mabunungan ti bagas dagiti nabatbati pay nga households.
