LAOAG CITY – Nakapartuat dagiti agsuksukisok manipud iti University of the Philippines Manila College of Pharmacy ti herbal antidiabetic tablet, maysa a nalaka nga alternatibo iti synthetic diabetes medications.
Gapu ta ti diabetes ket isu ti maikapat a kangrunaan a makaitunda ti pannakatay ditoy pagilian ken makaap-apektar iti 4.4 milyon a Pilipino, ti tableta ket manglaplapped iti α-glucosidase enzyme tapno lappedan ti alisto a panagngato ti sugar iti dara.
Inbatad ni Assistant Professor Raymond Fernando Yu, nabaknang ti Pilipinas kadagiti addaan ti medisinal ngem saan pay a naan-anay a maus-usar.
Ti tableta ket naglaon ti flavonoids, alkaloids ken tannins nga am-ammo iti panagbaba ti blood sugar levels.
Iti naisayangkat a panagsukisok, naammoan nga adda ti 100 parts per million, ti extracts ket makaipababa ti α-glucosidase activity ti 50%, pammaneknek nga epektibo daytoy.
Nakaala metten iti panagsukisok ti utility model manipud iti Intellectual Property Office of the Philippines idi 2022 a manamnama nga agbalin a rangtay iti komersialisasion ti produkto.
Inpetteng ni Yu ti dakkel a potensyal dagiti mula nga agas ditoy Pilipinas iti pannakaipaay ti nalaka a solusion iti diabetes para iti minilyon a Pilipino.
