LAOAG CITY – Manamnama a maipila ita nga aldaw ti reklamo a panagsalungasing iti RA 948 wenno Anti Red-Tape Act of 2007 kontra iti naarestar a balasang iti entrapment operation iti ili ti San Nicolas.
Daytoy ti inbatad ni Police Major Joseph Baltazar, ti chief of police iti ili ti San Nicolas.
Segun ken ni Baltazar, apaman a makompleto dagiti dokumento a kasapulan ket ipila da a dagus ti reklamo.
Immuna ti daytoy, naarestar ni Vanessa Leaño y Miñon, agtawen ti 25, balasang ken residente iti Brgy. Balacad ditoy ti siudad ti Laoag gapu iti maipagarop a panangluko na kadagiti pito a miembro ti maysa a pamilya.
Naamoan nga umabot ti 37,500 a pisos ti naited ti pamilya Adbersalo kenni Leaño para iti pannakaiproseso dagiti pasaporte da a sangapamilya tapno mapan da koma agpasyar iti ballasiw taaw.
