LAOAG CITY – Inbatad ni Police Capt. Johnveil Maramag, ti chief of police iti ili a Marcos, a dimmalanen ti otopsiya ti bangkay ni Police Corporal Wilbert Rarogal Jr. agtawen ti 32, residente idiay Barangay Santiago iti ili ti Marcos.
Kunana a basar ti resulta ti eksaminasyon ket “shot wounds” a simmarut iti barukong ni Rarugal ti rason ti nakatayan na a dagus.
Maipalagip a pinaltugan ti saan pay nabigbig a gunman ni Rarugal gapu iti “road rage”.
Kabayatanna, agpapan ita ket saan latta a kayat ni Brgy. Chairman Jimmy Pablo ti agsarita mainaig ti kinatao ti inlubbon na a gunman.
Immunan a nakita iti CCTV footage nga inted ti maysa a kandidato iti kina-Mayor iti nasao nga ili a naglubbon da Pablo ken iti saan pay nabigbig a gunman a rimuar iti compound ti balay na.
