LAOAG CITY – Kinumpirmaran ni Police Senior Inspector Jephre Taccad, chief of police ti PNP-Piddig nga awan ti foul play ti pannakatay ti agnagan ti Rene Duldulao, agtawen ti 24 ken taga-Brgy. Tabucbuc iti ili ti Marcos.
Segun kenni Taccad, na-trauma ti biktima gapo iti pannakita na ti pagayam na a nakuryente idi 2015 ken ginandat na a tulungan ken napaay.
Gapo iti daytoy, saan a nakarekobre ti biktima manipud iti nakita na a pasamak ken dumaldalan ti psychological and medical examination.
Maipalagip a nadakita dagiti kabsat na a da Robert ken Rogginne Duldulao a nakabitin ti kabsat da usar ti nylon iti farm a banbatayan da idiay Brgy. Marauya iti ili ti Piddig.
