LAOAG CITY – Inbatad ti saanen nagpabigbig a maysa kadagiti kaannakan ni Joel Patong Manuel, ti biktima iti napasamak a panagtatakaw idiay Barangay 15, P. Gomez St. ditoy ciudad ti Laoag a nakitarus laeng daytoy iti pagkaseraan da.
Segun kenkuana, kadayta a rabii ket simmangpet ni Manuel iti pagkaseraan da iti alas-11, idinto a simmangpet met ti maysa pay a kakaseraan na iti alas-12 ti rabii gaputa aggapo daytoy iti pagiinuman ket possible a saan na nairekep ti ridaw a rason nu apay a nakastrek ti mannanakaw.
Gapu ti daytoy, iti kabigatan na ket birbirukenen ni Manuel ti bag na ket dita a nakita dan ti nakaiwarang a bag iti solar da ken awanen dagiti kangrunaan a kagamitan na a pakairaman iti 11 a ribo a pisos.
Inlawlawag na nga immunan nga inbatad ni Manuel kadakuada a saan na maimatangan ti suspek ngem kunana laeng a nakaluganan na iti kurong-kurong ti maitudtudo a suspek a ni Elmar Aguete.
Kinumpirmaran ti kaanakan ni Manuel a kadayta met laeng nga aldaw ket naggapu daytoy iti pagpapallutan ngem saan nan nga inbaga daytoy kadakuada.
Kabayatanna, kontra daytoy iti palawag ni Manuel a nakitana ti suspek ken pinukkawan na, ken kinamat ti biktima ngem napaay gapo ta nakaluganen ti suspek iti maysa a motorsiklo.
