LAOAG CITY – Nanayunan pay ti bilang dagiti natay iti pannakauram ti maysa a bar idiay Bangkok, Thailand, no sadinno nga iti agdama ket umaboten iti 28.
Malaksid kadagiti natay ket nagtalinaed met a kritikal ti sitwasyon ti 25 a sabsabali pay gapu kadagiti sinagaba da a nakana a sugat ken pannakauram ti bagida.
Segun kadagiti bomber, kaadoan kadagiti pimmusay ket narekobre da ti bagida iti bathroom, a possible nga isu ti nagkamangan da idi napasamak ti uram.
Agpapan ita ket saan pay a nalawag no ania ti namonganayan iti uram, ngem inkari dagiti otoridad nga imbestigaren da a naimbag ti napasamak.
