LAOAG CITY – Nagtalinaed ti takder ni Mrs. Eloiza Alcantara iti Barangay Cavit ditoy ciudad, a nakita na mismo da Severino Jacinto kenni Ronald Jacinto, agpada a residente iti Brgy. 34B ditoy met laeng ciudad a nangkabkabil iti anak na a puon ti nakatayan na.
Segun kenni Alcantara, timmawag ti kapitan iti ipag na a nangipakammo a mapan da kitaen ti biktima nga agburburbor iti igid ti karayan rason a dagus a nagturong iti lugar.
Inlawlawag na nga iti adda iti lugar ket nakita na dagiti dua a Jacinto idinto a dagiti uppat pay a suspek ket saan na nailasin gapo ta nasipnget.
Gapo iti daytoy, dagus a nagawid ken inayaban na ti ipag na ngem idi nakasubli dan ket nakabkabilen ti biktima.
Kunana a ti maysa kadagiti kangrunaan a sinagaba ti anak na key limnek ti pispis na nga arig na ket naparpar.
Mainaig met iti riri ti fish cages ni Severino, kuna ni Alcantara a napabasol laeng ti anak na gapo ta ti maipagarop a nangtalado ket ni Ronald ken naitudo ti biktima a rason ti panagsasarita da iti barangay.
Inpetteng ni Alcantara a sisasagana a mangpaneknek iti naimatangan na iti laksid a naiget a naglikudan dagiti dua kadagiti innem a suspek nga isuda ti nangkabil iti anak na.
Kabayatanna, kuna ni Barangay Chairman Jerry Alonzo iti Barangay Cavit nga iti imbestigasyon na kas ama ti barangay mainaig iti pannakabil ti maysa baro a puon ti nakatayan na.
Inbatad na nga adda ti nangeg ni Kagawad Raffy Asuncion a komosyon ngem saan a nalawag gapo ta adda ti nakapalawlaw a lallaki ken rumrumwar nga adda ti iggem dagitoy a natangken a banag a maipagarop a nausar a nangmalo iti ulo ti biktima.
Inlawlawag na basar iti palawag ti kagawad, nakita na nga ado ti tattao rason a nagpukkaw ken adda dagiti indibdwal a napan ngem saan da nga immasideg iti nakapasakam a mismo ti krimen.
Nupay kasta, kunana nga adon dagiti tattao agarop 15 a metro ti kaadayo da ket nagtataray dagiti suspek ken awan ti nakailasin kadagitoy ngem ti nakita da ti kurong-kurong ken maysa a motorsiklo a rumrumwar a nagluganan dagiti suspek.
Kuna met ti kagawad nga alisto ti pasamak ken idi umasideg dan ket nakatugawen ti biktima iti tricycle na a nakadumog ken awanen ti puot na.
Innayon na nga awan met ti naawatan na nga anyaman a sarita manipud kadagiti lallaki.
