LAOAG CITY – Impakaammo ni P/Capt.Sygman Benigno ti Chief of Police ti Philippine National Police (PNP) San Nicolas a rumrumuar a natural death ti nakatayan ti biktima.
Ti biktima ket agtawen ti 78, naasawaan, ken residente ti Barangay 2 San Baltazar iti isu met laeng nga ili.
Segun kenkuana, daytoy ket basar ti assessment ti Rural Health Unit (RHU) iti nasao nga ili.
Mainaig iti daytoy, kunana a nagkiddaw ti pamilia ti pannakaipadalan daytoy ti autopsy ngem kunada a saan a maipakaammo ti publiko iti resultana.
Iti sabali pay a bangir, impakaammo met ti Ilocos Norte Police Provincial Office (INPPO) a basar ti rakurak ti anak ti biktima, a makapaspasar daytoy ti nagduduma a sakit a pakairamanan ti highblood, ken Chronic Constructive Pulmonary Disease (COPD).
Basar iti Ilocos Norte Police Provincial Office (INPPO) a naobserbaran dagiti kameng ti kapulisan a nagresponde, nga awan ti senyales a makitada a napuersa ti ridaw a malukatan ken awan ti naiwarang a ramit ti biktima.
Nupay kasta, iti agdama ket agtultuloy ti pannakaberipika dagiti nasao a gapuanan ti ipupusay ti biktima.
Maipalagip a daytoy ket nasarakan iti uneg ti kwartona a nalamiis a bangkayen no sadinno a maysa a delivery rider ti nakaangot iti saan nga umno nga angot nga insigida met a naipakaammo iti kabsat ti biktima.
