LAOAG CITY – Kinumpirmaran ni Mrs. Dolores Sipuna, acting election officer ti Comelec idiay ili ti Paoay a kukua ti simbaan ti nakaikabilan ti poster ti maysa a partido idiay Barangau Veronica iti nasao nga ili.
Segun kenni Sipuna, idi pay laeng naglabas ng eleksyon ket ti asideg ti simbaan ti nagbalbalin a common poster area para kadagiti kandidato.
Nupay kasta, kuna ni Sipuna a kalpasan ti pannakaisarita na kadagiti maseknan nga indibidwal ket naduktalan ti nasao nga area ket kukua ti simbaan.
Gapo iti daytoy, inbatad na a mangidesignar da ti sabali a poster area.
Mainaig iti daytoy, kuna ni Sipuna nga inpakaammo nan iti maseknan a partido nga ikkaten da ti naikabil a poster.
Kabayatanna, kuna ni Father Joey Ranjo, pannakangiwat ti Diocese of Laoag a gagem ti simbaan a saan a mairaman ti simbaan gapo ta awan ti koneksyon da iti eleksyon.
Innayon a no agbalin a poster area ti asideg ti simbaan ket maperdi ti langa na para kadagiti agsangpet a turista.
