LAOAG CITY – Agtultuloy pay laeng ti imbestigasyon dagiti kameng ti PNP-Currimao nga idadaulwan ni Police Captain Michael Permison, Officer In Charge ti pulisya iti nasao nga ili iti napasamak a pammagkong.
Segun kenni Permison, saan da pay a maestablisar no anya ti pudno a motibo gapo ta saan da pay a naalaan ti palawag ti biktima a ni Felix Eisma ken ti suspek a ni Allan Tabada.
Daytoy ket gapo ta saan pay a mabalin a makasarita ti biktima gapo iti nakaro a sugat a sinagaba na ken ti suspek ket saan da pay a nabirukan.
Inbatad ni Permison a basar iti anak ti suspek ket inusar na ti lugan na a nagturong iti amyanan a direksyon ken saanen a macontact ti pamilya na.
Saan met a makumpirmaran ni Permison no plano ti pamilya ti biktima ti agipila ti kaso kontra iti suspek.
