Inpakaamo ni Vice Mayor Rey Carlos Fariñas a naanayen nga operational iti water station iti Barangay Cataban, Metro Lapaz, ken Cacaoan ditoy siudad ti Laoag.
Daytoy ket kalpasan iti pannakainspeksion iti Department of Public Works and Highways (DPWH) First District kadagitoy a water station.
Segun kenni Fariñas, a nagsurat iti Department of Public Works and Highways (DPWH) kinyana tapno ipakaammo nga operational dagiti water station kadagiti nadakamat a barangay ditoy siudad.
Kinunana a napintas daytoy a damag tapno mausar ken mabenepisiaran met laeng dagiti maseknan a residente aglalo ita a panawen ti kalgaw a karigat iti supply iti danom.
Kabayatanna, nagyaman ni Fariñas iti Department of Public Works and Highways (DPWH) First District iti agtultuloy a suporta ken tulong nga ipapaayda iti lokal a gobierno.
Maipalagip nga imununa a nagsurat iti konseho iti Department of Public Works and Highways (DPWH) tapno maipakita iti situation dagiti water station gapu ta maipagrop a nabayagen a saan nga agopoperar.
