LAOAG CITY – Nagtalinaed iti kustodyar ti PNP dagiti uppat a babbai ken maysa a lalaki a nagsusugal idiay Pagudpud, Ilocos Norte.
Immuna ti daytoy, maysa a concerned citizen ti nagreport iti PNP seknan ti kaadda ti agsusugal iti balay ni Rowena Agustin, sitio Cabaroan, Barangay Pasaleng ti nasao nga ili.
Iti panagresponde dagiti otoridad ket naaktwan da dagiti suspek a da Rowena Agustin, agtawen ti 45, Glenda Leonador, Mayla Teresa Calvanes, Mary Joy Aladin, ken ni Michael Calipio, agpapada dagitoy a residente ti nasao a barangay.
Nakumpiskar dagiti otoridad ti maysa a set ti baraha, lamisaan, tugaw ken ti kwarta a 560 a pisos a maipagarop a pusta dagiti suspek.
Maisagsaganan ti kaso a maipila kontra kadagiti nasao a suspek.
