LAOAG CITY – Bimmisita dagiti uppat nga Ambassador ditoy pagilian a Pilipinas.
Dagitoy ket ti Ambasador ti Denmark to the Philippines, Sweden to the Philippines, Finland to the Philippines ken Norway to the Philippines.
Segun ken ni Hon. Annika Thunborg, Ambassador ti Sweden to the Philippines, addada ditoy Ilocos Norte tapno itandudo pakaseknan iti ekonomiya, trade ken export.
Inlawlawagna a kalikagumda a makikooperar ditoy pagilian nangruna ti probinsia maipapan iti agrikultura, energy, imprastraktura, Business Process Outsourcing, transportasion, capacity building ken innovation.
Malaksid iti daytoy, inbatadna a gagem ti panagbisitada ket tapno ipakita ti suportada iti addang ti gobierno pakaseknan iti West Philippine Sea.
Kabayatanna, maragsakan met ni Mayor Michael Marcos Keon iti panagbisita dagiti uppat nga Ambassador manipod iti Nordic countries.
Kunana a silulukat daytoy iti pannakibinnulig kadagiti interes iti Pilipinas ken ditoy Ilocos Norte a probinsia ni Presidente Ferdinand Bongbong Marcos Jr.
Mangnamnama ti Mayor nga iti sumarsaruno nga aldaw ket ad-adda pay nga umiget ti panagkakadua maipanggep ditoy siudad ti Laoag ken iti amianan a paset ti pagilian.
