LAOAG CITY – Nagbaallag ti US government kadagiti US citizens nga adda iti Middle East nga agbalin nga alerto ken agsagana a pumanaw iti nasao a rehion.
Daytoy ket kalpasan ti anunsio ni President Donald Trump ti planona a nakaro a panagatake idiay Iran.
Kuna ti State Department a dagiti US diplomatic facilities, pakairamanan ti ruar ti Middle East, ket mabalin a ma-target.
Nagballaag pay dagiti US embassy idiay Middle East a pakairamanan ti Bahrain, Iraq, Israel, Jordan, Kuwait, Lebanon, Oman, Qatar, Saudi Arabia ken iti United Arab Emirates.
Kabayatanna, plano ti US ken Israel ti nakaro a panagbomba a mang-target kadagiti imprastruktura ti Iran.
